خايف اصحي من النوم مالاقيش مصر
لمت هدومها ولمت حاجاتها ..قرفت... زهقت ..تعبت
وحلفت ميت يمين ما هي قاعدالنا
مااحنا زودناها..وكأننا استعمرناها
***********
تفتكروا ممكن مصر تسيبنا وتمشي؟!!!
الكل قاعد تقطيع فيها ابن البلد واللي جوة واللي برة
الصديق قبل العدو
برامج كلها بتجيب اسوا حاجة في مصر وتعمل عليها مواضيع
افلام بتنقي اقذر حاجة وتعمل عليها فيلم
فضائيات هارياها شتيمة وسب وقذف...ناسها مش صابرين عليها...والدنيا مابترحمش
بجد احنا زهقناها
عايزين ديموقراطية ..لا لا.. زودولنا الحرية كمان..ودة عايز علاوة ومش بيشتغل ودة عايز يكتب بس نسيبوة يشتم
وغيروة وغيروة وغيروة!!!!!
ممكن مصر بجد تمشي وتسيبنا؟؟!!!!
تاخد اهرامتها ونيلها وقنالها وتروح حتة تانية!!!!
احنا زودناها ؟ ولا زي القطط اللي موتت اولادها؟ بس المرة دي الولاد هما اللي هيموتوا امهم!!!
عايزين كل حاجة..بس مش عايزين نعطي حاجة
طيب مانسال نفسنا هو احنا ادينا اية لبلدنا...علشان نقرفها في عيشتها كدة!!!!
احنا عجزناها ليه؟
خلينا اي واحد له قيمه ولا مالهوش قيمه..يشتمها ويتجرأ عليها
هو احنا حبناها بزيادة ؟ ولا احنا مش عارفين نحبها ازاي؟!!!
هو احنا لو طلبنا حاجه منها وهي مش راضية تديهولنا..نكرها ولا نزعلها ولا نقسي عليها؟!!!
هو ممكن فعلا مصر تسيبنا وتمشي؟؟؟!!!
الرئيسية 
أحدث الصور 
التسجيل 
دخول 
موضوع: ممكن مصر تسيبنا وتمشي؟!!!! 
