طائرة تمشى على الارض

السلام عليكم ورحمة الله وبركاته
بصراحة انا طول حياتى الوظيفية لااحب شكر الرؤساء فى العمل ودائما ارى سلبياتهم اكثر من ايجابياتهم
وكلام النقد اجمل وبيكون ليه مصدقين اكثر من المدح ودى حاجة متاصلة فينا كمصريين نتيجة الظلم الذى نتعرض له منذ زمن
ولكن فى الفترة الاخيرة شاءت الظروف ان التقى بالاستاذ رئيس المصلحة لاول مرة
واصارحكم اخوانى اننى وجدت فى هذا الرجل من حب للبلد وللموظفين والاهتمام باحوالهم مالم اكن اتوقعه
وانه لديه من التواضع وكرم الاخلاق مالم اجده فى اصغر مدير ادارة عندنا من الاخر ابن بلد جدع
ووجدت من الافكار لتطوير العمل مايجعلنى اتخيل ان رئيس المصلحة طائرة تمشى على الارض
ولااسف نحن الذين نعطلها
وانه لو اتيحت الفرصة لهذه النماذج المشرفة لحلقت بنا جميعا فى السماء
ولكن للاسف اجد جميع موضوعاتنا تدور حول مالنا اعتصام عشان التسوية /بدل انتقال ////
ونادرا مااجد احد يجهد نفسه بالتفكير فى تطوير عمله الاتعتبر الضرائب العقارية بيتنا ومصدر رزقنا
وهل عشان ظروف البلد نقوم نعتصم عشان//////// امال لو المرتب مجلناش هنعمل ايه
الصبر وكل شئ سيتحقق وهو يعنى اللى شغال صراف ولاكاتب مش قادر يستحمل شوية لغاية مالامور تتحسن
وهو بعد وقف القانون فيه شغل اساسا ياجماعة احسبوا كل مامورية بتحصل كام وبتاخذ مرتبات اد ايه واحمدوا ربنا احسن الذى لايحمد الله على النعمة تزول

اخى العزيز تامر
جزاك الله خيرا وهذه ممكن ان تكون شهاده حق ونتمنى ان يكون هكذا ويعمل على تطوير الضرائب العقاريه
ونتمنى ان يتم انشاء قسم من الناس الممتازين الذين لديهم القدره على تطوير الضرائب العقاريه
والاستفاده من خبراتهم وافكارهم وفقنا الله الى مستقبل الضرائب افضل للضرائب العقاريه

طائرة تمشي على الأرض
كلمة حق يراد باطل
فعلا هو طائرة ولما خربت ما بقيتش بتطير بقيت بتمشى على الارض بس
يا اخى تامر مش عارف انت مع مين مع الظالم ولا مع المظلوم
يعنى مثلا التسويات دفعة 2007 جزء ساوى وجزء لا دا عدل مين اكيد مش عدل ربنا دا العدل بتاع الطيارة الخربانة بتاعتك اللى بتمشى على الارض
ويا اخى احنا والله ناس تعليمنا عالى انا معايا ماجستير فهمنا الحاجات اللى كلمتك فيها طيارتك دى يمكن تكون شايف اللى مفيش غيرك شايفة
دا رد مختصر لسيادتك
أما بقية كلامى للنقابة المستقلة اللى اصبحت محتلة
وسؤالى للسيد الفاضل كمال ابو عيطة اللى كانت طلباته العشرة يتقدم فيها طلب تعيين ابناء العاملين على طلب تسوية العاملين وبقول له هو علشان انت فى الضرائب العقارية لازم ابنك يكون ليه مكان فيها هى ورث ولا ايه اومال عدالة ايه ومساواة ايه اللى بتطالبو بيها
وبكل سهولة يرد على المنتدى تابعين ليك وكل شوية انتصار جديد للنقابة ما يكونش النقابة هى اللى عملت كل حاجة ونسيتم مجهود كل العاملين اللى دايما كانوا السبب فى ان النقابة اصبحت قوية
أما موضوع التسوية لما طلبه من ضمن المطالب العشرة تبعه بمطلب فتح معهد الصيارف والسبب ايه لسد العجز الناتج عن عملية التسوية
يعنى تقريبا بيقوله يا اما تفتح المعهد يا اما ما تساويش
ندائى الاخير لاخوانى الصيارف رغم انى مش منتظر تسوية لكن بشارككم الرأى فى ان التسوية بتاعتكم مش هتيجى غير بالقوة والضغط على الطيارة اللى بتمشى على الارض اللى ان شاء الله هنفضل وراها لما نطيرها من المصلحة
واشارك اخى ممدوح سيداحمد سخطه على النقابة لكن يا اخى ممدوح الحل مش فى تقديم استقالة الحل اننا نغير اعضائها التنفيذيين وطول ما احنا اعضاء فيها هنختار الاصلح اللى لازم يكون مننا ويكون بيخاف من ربنا وبيعمل لمصالح الغير مش علشان يقول انا عملت وانا سويت
يارب تكون الصورة بقيت اوضح

عفوا يا استاذ/ تامر
ايه المدح دا كله وفى مين واحد كلنا عارفينه كويس جدا
تقدر تقولى حاجه واحدة عاملها رئيس المصلحة خلال فترة تواجدة
بالعكس هو دائما عنيد جدا ومش طائرة دى نملة فى اتخاذ قراراتها

شكرا يااستاذ سعيد على تعليقك
والاستاذ سندباد صاحب الماجستير اظن ان من مبادئ الديمقراطية ان كل واحد يقول رايه والاخر يرد عليه رد موضوعى عشان ممكن تكون انت صح وانا خطا فاعرف منك وانا اقدم منك فى الشغل واعرفك اننا كنا بننتظر سبع سنوات على امل يمكن نساوى وكان المرتب مائتين جنيه ومكنش حد يقول هنعتصم وهنعطل الشغل عشان التسوية
ثم ان اللى حاسس انه معاه ماجستير وعلم نادر والوظيفة مش على مقاسه ممكن يستقيل اعتراضا على الوضع اللى هو فيه ويحرم الضرائب من علمه وده يبقى عقاب كويس للضرائب العقارية
والاستاذ وليد اللى بيقول انه عنيد حضرتك مقلتش هو عنيد ازاى او فى ايه ده ده العصر الذهبى لموظفين الضرائب العقارية دلوقتى والماموريات بعد التسويات اصبح القائمين بالعمل الكتابى والتحصيل هما الناس القدام اللى قربوا يطلعوا معاش
وتعيينات جديدة او معهد الصيارف طبعا عارف ظروف البلد حاليا ودى حاجات بتبقى سياسة دولة
وطبعا عارف ان اللى بيسوى مامور لايمكن اجباره على العمل المكتبى اوالتحصيل قانونا
وعموما اتمنى انكم تكون مستقبلا فى وظائف قيادية وتتحطوا فى موقف ذى ده ونشوف تصرفكم

ولكن فى الفترة الاخيرة شاءت الظروف ان التقى بالاستاذ رئيس المصلحة لاول مرة
واصارحكم اخوانى اننى وجدت فى هذا الرجل من حب للبلد وللموظفين والاهتمام باحوالهم مالم اكن اتوقعه
وانه لديه من التواضع وكرم الاخلاق مالم اجده فى اصغر مدير ادارة عندنا من الاخر ابن بلد جدع
ووجدت من الافكار لتطوير العمل مايجعلنى اتخيل ان رئيس المصلحة طائرة تمشى على الارض
ولااسف نحن الذين نعطلها
وانه لو اتيحت الفرصة لهذه النماذج المشرفة لحلقت بنا جميعا فى السماء

يا ريت قبل ما تبقى ترد عليا كنت وضحت ايه الامور دى اللى خلتك منبهر بيه
اما عن علمى ودراستى فانا متعيين لانى كنت الثالث على دفعة كلية التجارة يعنى مش متعيين كوسه
اما انت بتتكلم عن انك اقدم منى انت تعرفي انا بشتغل فين ولا ايه ولا حتى سنى كام
اما عن رايك الفظيع اللى محسسنى بعبقريتك انك قدرت تحكم عليه بمشيئة الظروف يا اخى دا بيكون اتنين متجوزين بعض عن حب سنين وما بيكملوش مع بعض اسبوع بعد الجواز
وانا شايف ان لو بايدى الافضل تسيبك من الضرائب العقارية ونخليك تتعرف على كل الفاسدين ويطلعوا فى الاخر صالحين
وياريت تشوف لك مكان تانى لان الناس فاقت ومش محتاجه مسكنات

واعتقد والله اعلم ان لا ليك تسوية زى زمايلك المؤهلات العليا فمن مصلحتك ولسد عقدة النقص لدى البعض بيكون ناس كتير مبسوطة بان المؤهلات العليا بتشتغل نفس شغل المؤهلات الاقل
مع كامل احترامى لبقية المؤهلات ولكن يجب ان تعمل ان على رأى المثل على قد لحافك تمد رجليك

اولا انا متاكد انى اكبر منك
ثانيا انا متعين بمؤهل عالى من قبل متعرف انت ان فى حاجة اسمها ضرائب عقارية
ثالثا فيه ناس فى المنتدى يعرفونى شخصيا
رابعا انا مبحبش استغطى بلحاف
خامسا انا حاليا بعمل دكتوراه فى القانون الادارى وباحترم اللى معاه شهادة محو امية وبتعلم منه وبعمله باحترام اكتر من زميلى فى العمل
خامسا انا مش هاشوف مكان غير الضرائب العقارية لانى مبسوط فيها ولازم اساعد فى تطويرها
سادسا انا عارف ان التسوية الى انت عاوزها هى عبارة عن خط السير الذهبى لمامور الضرائب وتروح تنام وتمد رجلك على قد اللحاف براحتك على راى المثل اللى انت قولته
سابعا لكل اعضاء المنتدى
لقد انتشرت فى الفترة الاخيرة ظاهرة تكررت كثيرا وتم الاعلان عنها وممكن تشوفوا موقع الدستور واليوم السابع وهى انه فى المنتديات العمالية كمنتدانا او المنتديات الاخبارية تم اكتشاف اعضاء يقومون بانتحال صفة اشخاص وهميين ويقومون بالترويج
للتظاهر والاعتصامات والامتناع عن العمل وتحديد مواعيد لذلك وذلك بهدف احداث اثارة وفتن واستغلال هذه المواقف
فاحذروا وبالذات الاسامى الغير حقيقية كابن بطوطة المهاجروووووو وسلام ياسندباد

اولا يا سي توتو
اسم تامر دا اسم حديث نسبيا
ثانيا انا متعيين مامور ضرائب لانى كنت الثالث على دفعة كلية التجارة جامعه عين شمس يعنى مش متعيين كوسه والحمد لله كان قدامى اعمل باكثر من بنك لكنى رفضت العمل بالبنوك
ثالثا انت ناسي انك كاتب الوظيفة ايه وظيفتك موظف
اما عن الدكتوراة المزعومة بتاعتك دى ظهرت فجأة
وامام المنتدى كله
اطالبك انك تنزل صورة من الليسانس بتاعك وانا هنزل رسالة الماجستير اللى كان موضوعها تطوير النظم المالية والمحاسبية

اما عن كلامك ان الصيارف طريقهم الذهبي التسوية والله انا اعرف ناس صيارف ومعاهم مؤهلات عليا اللى زيك ما يسمعش عن المؤهلات دى انا اعرف واحد معانا فى العمل كان حاصل فى الثانوية العامة على 98% وحاصل على ليسانس تربية لغة عربية
ودا من حقهم علينا اننا نفخر بوجودهم وسط اناس اعلاهم المفروض تجارة وبعدين حقوق اللى كان اللى بينجح فى الثانوية ومش لاحق كلية ما كنش قدامه غير الحقوق
فياريتك زى بعضهم

اما عن اثارةالاعتصامات فبعتقد ان من حق اى مظلوم يطالب بحقه بكل ادب واحترام اما اللى بيدعوهم للسكون والمهانه فدا بيكون ما بيحبش ليهم الخير
واخيرا اعتقد مش هرد عليك لان لا عقليتك متفتحه لتتقبل حوار ولا يشرفنى الدخول فى حوار مع اشخاص لم يتقبلوا وجهه النظر الاخرى على الرغم من مطالبتهم للأخرين باحترام وجهات النظر

ارجو منكيا اخى سندباد ان تتوحد مع الاخ تامر فكل عضو يعبر عن رايه في شىء كلنا زملاء لا فرق بين مامور وعامل ولا حديث ولا قديم كلنا سسنهى الخدمة بعد بلوغنا السن القانونى اذ كان الاخ تامر خطا في حقق فتقبل منى العذر نيابه عنه لانه وعدنى بعدم الانتقاد لاحد من الان وارجو منك ان تحافظ على على هزا المنتدى بعيد عن الانتقادات واذ كان موضوع لم يعجبك فيه تجاهله وعبر عن رايك في موضوعك الشخصى واتمنى وادعو لله ان يحقق كل امانيك فى القريب العاجل اخيك فى الله ( احمد المنياوى )

دى مشاركة سابقة للسندباد فى موضوع الى الاخ ممدوح من اين اتيت بهذه الاخبار(ممكن الكل يتاكد)
اولا نأمل من الله سبحانه وتعالى بأن يكون هذا الخبر صحيح
ولكن أن تكون التسوية يوم 7/1 فهذا غير صحيح لسببين
يوم 7 يناير دا موافق يوم سبت يعنى المصلحة مش بتشتغل سبت لانه أجازة
بالاضافة ان يوم 7 يناير دا اجازة رسمية بمناسبة عيد الميلاد
يعنى التسوية يوم 7 يناير مستحيل
فبرجاء التأكد من الخبر او ان صح الخبر التأكد من موعد التسوية
الرد
دى مشاركتك ولا لا
طيب انت لو متساوى ذى ماانت بتقول امال ايه الكلام ده
كلامك كله تسخين واحباط للناس عشان يعملوا الاعتصام الى انت بتدعو ليه
متاسف انى انا فيشتك يعنى بالبلدى علمت عليك
وامام الاعضاء كلهم لو انت فعلا موظف معانا انشر بياناتك وماموريتك وانا سوف اقوم
اولا بنشر بياناتى كاملة مع ان فيه اتنين من المشرفين فى المنتدى عارفينى شخصيا
ثانيا تقديم مذكرة ضدك لتحريض موظفين عموميين على الاعتصام والاضراب وتعطيل العمل عشان تعرف الدكتوراة المزعومة
واحتمال اعمل فيك خدمة واخليك تروح تشتغل فى البنوك اللى انت سيبتها عشان خاطر الضرائب العقارية

اولا قولتلك انت ما تستاهلش ارد عليك
ثانيا لما ارد على موضوع زى التسوية مش معنى دا انتى منتظر التسوية لان لو فيه ذرة عقل كنت فهمت ان بقول فيه معايا ناس فى العمل صيارف ومعاهم مؤهلات احسن منى ومنك فمن حقهم يساوو وكمان من حقى ارد على اى موضوع وعامة كان ردى للافادة لانى مش بقرأ اى خبر الا لما ادرسه كويس
ثالثا الدكتوراة المزعومة بتاعتك دى انا دلوقتى متاكد ان معاك دكتوراة بس فى الرضاعة لما بتبقى تكمل رضاعة ابقى تعالى كلمنى

رابعا اعتذارى ودا مش ليك اعتذارى لاعضاء المنتدى المحترم وتحياتى للاخ احمد المنياوى

خامسا البيانات اللى انت طالبها هنعرفها لما انت ترفع شهادة الليسانس علشان تعرف انا شهادتى ايه
فبلاش هلفطه وكلام كتير ونزل الشهادة وانا هنزل

الأخوه الأفاضل إن كان المنتدى لجمع الشمل في الضرائب العقارية أولاً وللبحث عن المعلومة أي للثقافة الضريبية بصفة خاصة ونحن نعمل في هذا المجال ،،، فلماذا اصبحت الردود شخصية .. وهذا لا يمنع أن يكون كل أنسان عنده طموح ليرتقي بنفسه وعمله إلى عنان السماء وإلا ما كنا بشر ،، فمن يطالب بالتسوية حق مشروع ومن يطالب ببدل انتقال حق مشروع وياريت من يرد عليه يكون في إطار المشروع ،، وتقبلوا تحياتي ...

طبعا دلوقتى الاعضاء كلهم عرفوا انت هدفك ايه ومعلش ذى مقلتلك انت اتفيشت واتعلم عليك
بس عشان برده انا طيب وعارف انك بتحب الامثال ذى المثل بتاع لحافك اللى انت قلته
وعشان خاطر الاستاذ احمد وكلامه انا بس اهديك بعض الامثال اللى انت بتحبها هدية ليك
مع ان كان نفسى اعرفك بجد
وانصحك تشوف منتدى تانى عشان موظفين الضرائب العقارية بيبيعوا الميه فى حارة السقايين
اقراء وتمعن ياسندبا ددددددددددددددددددددددددددددددددددددددددددددددددددددددددددددددددددددددددد
يش يضر السحاب من نباح الكلاب
الحبلة تمشى و تتمايل و تحسب ان الحبل دايم
دقوا الطبلة و جريت الهبلة
الدلع فى الكبير زى الزغزغة فى الحمير
الراجل الخايب خلفته كتير و البطيخة القرعة لبها كتير
رايحين تبرموا على مين و احنا كلنا برامين
ربيت كلبى و اندار عقرنى لا خير فى تربية الكلاب
زى أكل الحمير فى النجيل لا الحمير بتشبع و لا النجيل بيخلص
عاوز تغيظ اللتات العجان كثير الكلام اترك مجلسه من غير كلام
الغجرية ست جيرانها ان ما خافوا منها يخافوا من لسانها
لا تعاتب العايب و لا ترقع الدايب
ما يحطوش واطى و بيلبسوا البلاطى و متقمعين و جيبهم فاضى

السلام عليكم ورحمة الله وبركاته
الى كل اعضاء المنتدى المحترم العظيم بابنائه والى كل الاخوه العاملين بالضرائب العقاريه
اعلموا جيدا انكم من سطرتم للتاريخ مجده وحاربتم حتى اصبحتم فيما اصبحتم فيه الان تحيه اليكم كلها فخر واعزاز بكل ابناء العقاريه فلايحق لنا ان نتبارز الان بالكلمات والسباب ويجب علينا دكاتره وعمال ان نكون يدا واحده ضد الظلم وذلك لتحقيق مكاسب حقيقيه لنا جميعا والا نفرق بين الكبير والصغير بين المامور والعامل بين الرئيس والمرؤوس كلنا فى مركب واحد نحارب من اجل تطوير الضرائب وتقديم اساليب جديده مفيده والعمل بافضل تكنولوجيه علميه لانتبارز بالشتائم وعلينا جميعا ان ننتهى من السباب بعد رسالتى هذه اليكم ويعتذر كل منا للاخر حتىنقول للجميع هؤلاء رجال العقاريه ابطال فى كل الاعمال ناجحين وكل منا عليه ان يسجل باسمه الشخصى وبلده هذا طلب منى ارجوا ان يحقق للجميع التعارف ودوام المحبه والصداقه الدائمه انشاء الله تعالى
واخيرا تقبلوا منى التحيه

» أسماك غريبة تمشى و لا تسبح فى قاع البحر ~
» العلاوة والموظفون تحت الارض
» المعذبون فوق الارض لماذا
» وصول بعثة فريق الاهلى فى طائرة حربية.
» دراسة علميه تفيد ان ماء زمزم اعظم مافى الارض