كلام الاستاذ / محمود عامر ... امين الصندوق .. عن الشهر وبدل الانتقال

، شوف يارجالة الموضوع ببساطة اننا محتاجين نتكاتف شوية مع بعض ، ونثق ببعض شويه ، ونبعد عن التخوين والتجريح والمصلحة والكلام فعلا اللى لايودى ولايجيب، طبعا فاكرين موضوع الصندوق والقلق اللى حصل فيه والكلام والنقد اللى كان عمال على بطال ونسجل الصندوق ونعمل مش عارف ايه فى الصندوق والنقابة بتعمل كل دا علشان أ / كمال ابوعيطة يصرف ووووو . لغاية والحمد لله ان الصندوق استقر ومن يومها لاسمعنا حس ولاخبر من اللى كانوا بيهاجمونا علشان خاطر الصندوق وعدى موضوع الصندوق على خير هذا بس للتذكرة....بعد كده الحمد لله تم موضوع التشغيل الحكومى لدفعتى 2002/2004 والحمد لله الموضوع خلص وبرضك ولا حس ولا خبر عن هذا الموضوع ... بعدها الحمد لله موضوع التسويات لدفعة 2013 وبرضك عدى الموضوع مرور الكرام ماشى ... وبعدها الموضوع المهم الذى لم يلتفت اليه احد وهو كسر باب الحديد فى الوظائف القيادية ال167 وظيفة قيادية التى لم نتوقع انها تتم وتظهر الى النور منذ ان اشتغلنا بالضرائب العقارية ... جه بعد كده موضوع بدل النتقال وعدلنا البند السادس علشان اكبر عدد من الموظفين يصرفوا وبرضك ولا حس ولا خبر لدرجة انى قرأت تعليق بيقول هو المنشور دا وصل لكم ياجماعة ، بالله عليكم هو المطلوب منا اننا نوصل المنشور لغاية باب البيت ونقوم على تنفيذه كمان ، ولا عايزين نتكلم وخلاص .. المهم ماعلينا ..قلنا ان شاء الله بدل النتقال هيبقى 250 وتابعناه فوجئنا لقينا الوزير عمل بدل النتقال من 150 جنيه الى 200 لجميع المصالح الايرادية وكلهم صرفوه من 1/7/2014 الا احنا ، سألنا ليه ياجماعة احنا مش بنصرف البدل الجديد ليه قالوا الجماعة اللى تبع المديرية المالية اللى فى المصلحة هما اللى كانوا موقفين صرفه ، الحمد لله تابعنا الامر وان شاء الله قريب الصرف لبدل الانتقال . اما موضوع الشهر السيدة المحترمة رئيسة المصلحة عايزة تصرفه فى حال تحقيق 25% من المأموريات وكذلك المحافظات للمستهدف بنسبة 100% ودا عكس اتفاقنا مع الوزير ، وهذه نقطة خلاف مع رئيسة المصلحة ، اتفقنا اننا نضع قواعد للصرف مع رئيسة المصلحة واعتمادها من الوزير وذلك بعد توريدة 31/1/2014 وهذا الكلام كان على الملا امام باب المصلحة امام كثير من الزملاء بعد العشاء وهى نازلة من المصلحة ، وفى حالة خدعنا منها سوف نعلن لكم ذلك والقرار اللى هتتفقوا عليه سوف ننفذه ... وسجل المراجعين والمحاسبين ماشيين فى مطالبتنا به ... مش دا كل اللى كان طلبتنا ... ياريت نسيبنا بقى من الكلام اللى لاهيودى ولا يجيب وخلينا نتكاتف ونتحد زى الاول .. مش كانوا بيقولوا النقابة التانية هتجيب شهرين واحنا خلاناهم شهر وبدل الانتقال كان 300 جنيه هما فين اصحاب هذه الابواق احنا لاشوفنا منهم شهرين ولاحتى ربع شهر .. خلينا عقارية ايد واحدة زى الاول ... سيبك ياوليد بجد انت وحشتنى وكل الزملاء .. خالص تحياتى

بس احب اقولك يا استاذ محمود ان النقابة دى نايمة على الاخر اجتمعات عمال على بطال ومش عارف جدول اعمال اية ومش عارف مناقشة اية على الحال ده من كام سنة اظن من بعد الاضراب والاعتصام الاشهر 2008 ومن بعد ابو عيطة مشفناش اى حاجة من النقابة اللهم ان لم يكن هناك ضغط او الحاح من موظفى العقارية على مطلب معين مثل التسوية وغيرة
واظن ايضا انه بسبب غضب الموظفين وسخطهم على النقابة وتهديدهم مرات عديدة بالاضراب ورفع قضية المساواة بعيدا عن النقابة مما سيظهرها بالضعف وعدم السيطره على الاعضاء امام المصلحة والوزارة لما سعت جاهدة لتحقيق اى مكسب على الارض

سؤال للاستاذ محمود تقدر تقولى ما هى المكاسب الحقيقية للضرائب العقارية من بعد اتفاقات ابو عيطة ما هى اخبار صندوق الرعاية الصحية ماذا قدمتم للعقارية من خدمات كالنقابات الاخرى لو عضو تعب او حب يعمل عملية كبيرة اويشترى علاج غالى طبعا اخركم ال50 جنية اخباركو اية فى المبانى اللى احنا قاعدين فيها دلوقتى وشغالين فيها وهى مقرفة ويا ريته ملك انا بشوف وباسمع عن نقابات بتتطرح شقق وبتعمل رحلات حج وعمرة دا يا راجل حتى الصيدليات اللى متعاملة مع التامين الصحى مبترضاش تصرف او تتعامل معانا والله رحت مرة اجيب قطره مرضوش يدوهالى

طب عملتوا اية فى موضوع تحويل المامور والصراف سنويا للنيابة الادارية اللى مبتعرفش اى حاجة عن شغلنا
طب المواسم زى المولد والمدارس والاعياد اللى بتتصرف فى معظم المصالح واحنا لا
والله الواحد لو قعد يعد مش هيبطل
الموضوع مش شهر وخلاص
الموضوع اكبر من كدة بكتيررررررررررررررررررررررررررررررررررررر

بندور على الفروع وسايبين الاصل المساواة