النيابه الاداريه ليه

من المعروف ان اللي بيروح النيابه الاداريه اما مختلس او حرامي ايه لزمه كل شويه الصراف والمامور بيروح النيابه الاداريه شويه علي متاخر وشويه تاني علي فائض ,ما لزمه الشئون القانونيه في كل ماموريه ولا دي وظيفه روتينيه وخلاص , ارحمونا من النيابه الاداريه عشان منحس اننا مجرمين وبيستجوبونا في قضايا اختلاس

[b]انا معاك ان الموضوع عايز له حل
بس هنا سؤال بيطرح نفسة
هو مين اللى بيودينا النيابة الادارية؟ المديريه ولا القانون صريح فى النقطة دى؟
ولا هى شغل للسادة وكلاء النيابة وخلاص؟
ولا ممكن ومن الجايز ان بتوع الشئون القانونيه (التيمم ) ووكلاء النيابة الادارية(هما الماء)يعنى اذا حضر الماء بطل التيمم!
مع ان التيمم هو اللى بيدينا الجزاء بعد ما يرجع ملف الواحد مننا من عند الماء
مش شايفين ان دى حاجة غريبة يبقى ايه لزمة النيابة من الاول
هههههههههههههههه
متقولوش الراجل اتجنن ياجدعان
مش بالزمه دى حاجة تجنن
شكرا

المصيبه الكبيره يا ستاز احمد ان وكيل النيابه اللي بيستجوبك لا يفقه شي في شغل الضرايب العقاريه ولما تيجي تفهمه يفتكرك انت بتقل من قدر سعادته طيب تعمله ايه والمصيبه الاكبر انه بيستجوبك زي ما تكون سرقت خزانه الدوله كلها وانت رايح علي متاخر ولا فايض ممكن يكون من سنين سابقه وكمان وانت بتسمعه وهو بيقول ما قولك فيما نسب اليك من اهمال وتقصير في مهام وظيفتك تحس انك مش بتشتغل ابدا
ولو حكتلك علي المهازل اللي بتحصل في النيابه تضحك عليها للصبح

ارجوكم عاوزين حل للنيابه

كل قضية من دول بياخد عليها وكيل النيابة (مبلغ)
وطبعا بتوع المديرية بيتجاملوا معاهم وبيودولهم قضايا زى الرز
والقضيه بخمسة جنيه والحسابة بتحسب
وهذا اول سبب
ممكن اى زميل يقولنا سبب تانى؟

لقد سبق من اكتر من 3 سنوات وطالبت تعديل قانون العقوبات الخاص بالصراف والا يذهب الى النيابه الا اذا كان هناك اختلاس واضح وتحدثت مع اعضاء مجلس الشعب فيها وواضح اننا لن نتقدم لاننا نفق على قضيه اكثر من 100 جنيه وغيره من نفقات لجهاز التحصيل كى يعاقب على متاخر او فائض يبلغ جنيه او اكثر قليلا ولكن انشاء الله مع استلام رئيس نصلحه جديد من الممكن النظر لتلك القوانين وقوانين اخرى كثيره تريد تعديل تكلمت عنها كثيرا ولكن هيهات اذن من طين واخرى من عجين

شكرا للاستاز احمد والاستاز سعيد علي الاهتمام بس احنا بجد عاوزين حل جدي وفعال احنا مش حرميه ولا مختلسين كل شويه نيابه والمعامله القزره من قبل وكلاء النيابه الباشاء لسع مجاشي الباشا بيفطر الباشا في الحمام الباشا وانت قاعد تحت رحمته ولما بيقابلك بيقول احنا مورناشي الا بتوع الضرايب العقاريه وهو اقسملك لا يفقه شي في شغل الضرايب

» مشكله موظفي التنميه الاداريه
» سحب التسويات من مجموعه التنميه الاداريه
» للتنميه الاداريه والتسويه 2013
» ميروك للزملاء التنميه الاداريه المشرفين على التحصيل
» حكم المحكمه الاداريه بعدم احقيه الماليه خصم الضرائب على العلاوات الخاصة